ერთმანეთში შევურიოთ სოიოს სოუსი, თაფლი, ზეთი, წიწაკა და მარილი. ეს სოუსი მოვასხათ გასუფთავებულ ფრთებს და გავაჩეროთ მაცივარში მინიმუმ 1 საათი. შეგვიძლია შევწვათ ტაფაზე, ან ღუმელში. თუ ღუმელში შევწვავთ (და ეს უკეთესი მეთოდია), მარინადიც უნდა მოვასხათ, შეწვისას კი გამოშვებული წვენი ხშირ-ხშირად ვასხათ ზემოდან, რომ ხორცი არ გამოშრეს და კარგად დაიბრაწოს. ტაფაზე შეწვისას, ცოტა ზეთში შევწვათ ჯერ ერთი მხრიდან, ხოლო ამობრუნების შემდეგ, მარინადიც დავასხათ ზემოდან და გავაგრძელოთ ხორცის შეწვა სრულ მომზადებამდე.

• 4 ცალი ქათმის ფრთა
• 2 ს.კ სოიოს სოუსი
• 1/2 ჩ.კ თაფლი
• ნივრის პატარა კბილი
• ½ ჩ.კ ხმელი ქონდარი
• წითელი წიწაკა, მსხვილად დაფქული
• მარილი
• 1 ს.კ ზეითუნის ზეთი